Home ಧಾರ್ಮಿಕ ಕಾರ್ಯಕ್ರಮ ಶ್ರೀಕೃಷ್ಣಮಠದಲ್ಲಿ ವಿಜಯದಶಮಿ ಉತ್ಸವ; ಕದಿರು ಕಟ್ಟುವ ಹಬ್ಬ

ಶ್ರೀಕೃಷ್ಣಮಠದಲ್ಲಿ ವಿಜಯದಶಮಿ ಉತ್ಸವ; ಕದಿರು ಕಟ್ಟುವ ಹಬ್ಬ

693
0
SHARE

ಉಡುಪಿ: ಶ್ರೀಕೃಷ್ಣಮಠದಲ್ಲಿ ಸಂಪ್ರದಾಯದಂತೆ ವಿಜಯದಶಮಿಯಂದು ಕದಿರುಕಟ್ಟುವ ಹಬ್ಬ ನಡೆಯಿತು.

ಸೋದೆ ಮಠದಲ್ಲಿರಿಸಿದ್ದ ಕದಿರುಗಳ ಐದು ಕಟ್ಟುಗಳನ್ನು ಪರ್ಯಾಯ ಪಲಿಮಾರು ಮಠದ ಪಾರುಪತ್ಯದಾರ ಮಧುಸೂದನ ಆಚಾರ್ಯರು ಪೂಜಿಸಿದ ಬಳಿಕ ಬಂಗಾರದ ಪಲ್ಲಕ್ಕಿಯಲ್ಲಿರಿಸಿಕೊಂಡು ರಥಬೀದಿಗೆ ಒಂದು ಪ್ರದಕ್ಷಿಣೆ ಬಂದು ಮೆರವಣಿಗೆಯಲ್ಲಿ ಶ್ರೀಕೃಷ್ಣಮಠಕ್ಕೆ ತರಲಾಯಿತು. ಅಲ್ಲಿಂದ ಶ್ರೀಕೃಷ್ಣಮಠದ ಮೂಡುಬಾಗಿಲು (ಚೆನ್ನಕೇಶವ ಬಾಗಿಲು) ಮೂಲಕ ಕದಿರುಗಳನ್ನು ಒಳಗೆ ತರಲಾಯಿತು. ಈ ಬಾಗಿಲು ವರ್ಷಕ್ಕೆ ಒಮ್ಮೆ ಮಾತ್ರ ಇದಕ್ಕಾಗಿ ತೆರೆಯಲಾಗುತ್ತದೆ. ಅಲ್ಲಿ ಒಳಗೆ ಪರ್ಯಾಯ ಶ್ರೀಪಲಿಮಾರು ಮಠದ ಶ್ರೀವಿದ್ಯಾಧೀಶತೀರ್ಥ ಶ್ರೀಪಾದರು, ಕಿರಿಯ ಪಟ್ಟದ ಶ್ರೀವಿದ್ಯಾರಾಜೇಶ್ವರತೀರ್ಥ ಶ್ರೀಪಾದರ ಉಪಸ್ಥಿತಿಯಲ್ಲಿ ಪೂಜೆ ನಡೆಯಿತು.

ಗರ್ಭಗುಡಿಯ ಹೊರಗೆ ಇರುವ ಮಂಟಪಕ್ಕೆ ಕದಿರುಗಳನ್ನು ತಂದು ಅಷ್ಟಮಠಗಳು, ಇತರ ಮಠಗಳ ಪ್ರತಿನಿಧಿಗಳಿಗೆ ಕದಿರುಗಳನ್ನು ವಿತರಿಸಲಾಯಿತು. ಅವರು ಅವರವರ ಮಠಗಳಿಗೆ ತೆರಳಿ ಕದಿರುಗಳನ್ನು ಕಟ್ಟಿದರು. ಅನಂತರ ಬಡಗುಮಾಳಿಗೆಗೆ ಬಂಗಾರದ ಪಲ್ಲಕ್ಕಿಯಲ್ಲಿ ಕದಿರುಗಳನ್ನು ತಂದು ಅಲ್ಲಿ ಪೂಜಿಸಿದ ಬಳಿಕ ಊರಿನ ಭಕ್ತರಿಗೆ ಕದಿರುಗಳನ್ನು ವಿತರಿಸಲಾಯಿತು. ಇದಾದ ಬಳಿಕ ಪರ್ಯಾಯ ಪಲಿಮಾರು ಮಠ ಮತ್ತು ಭಾವೀ ಪರ್ಯಾಯ ಅದಮಾರು ಮಠಕ್ಕೆ ತೆರಳಿ ಅಲ್ಲಿ ಪೂಜೆ ಸಲ್ಲಿಸಿ ಕದಿರು ಕಟ್ಟಲಾಯಿತು.

ಶ್ರೀಕೃಷ್ಣದೇವರಿಗೆ ಮಹಾಪೂಜೆ ಬಳಿಕ ಗರ್ಭಗುಡಿ ಎದುರಿನ ಚಂದ್ರಶಾಲೆಯಲ್ಲಿ ಶಾಸ್ತ್ರಗಳಿಗೆ ಸಂಬಂಧಿಸಿ ಶಾಂತಿ ಪಾಠವನ್ನು ನಡೆಸಲಾಯಿತು. ಮೂರು ದಿನಗಳಿಂದ ನಡೆಯುತ್ತಿದ್ದ ವ್ಯಾಸಪೂಜೆಯನ್ನು ಪರ್ಯಾಯ ಶ್ರೀಗಳು ನಡೆಸಿದರು.

ಓಂ ಶ್ರೀ ಸಾಯಿ ಜ್ಯೋತಿಷ್ಯಾಲಯ
South Canara’s Famous Asrologer
Family issue, ಮದುವೆಯಲ್ಲಿ ವಿಘ್ನ, ಸತಿ-ಪತಿ ಕಲಹ, Court Case, ವಶೀಕರಣ, Love problems, ಸದಾ ಕುಟುಂಬದಲ್ಲಿ ಕಲಹ, Money problem, ಕೆಲಸದಲ್ಲಿ ಕಿರಿಕಿರಿ, ಮಕ್ಕಳ ಸಮಸ್ಯೆ, ವ್ಯಾಪಾರದಲ್ಲಿ ಅಡೆ-ತಡೆ, Loan Issue, ನಿಮ್ಮ ಯಾವುದೇ ಸಮಸ್ಯೆಗೆ 3 ದಿನಗಳಲ್ಲಿ ಶಾಶ್ವತ ಪರಿಹಾರ.
ಹೊಟೇಲ್ ದುರ್ಗಾ ಇಂಟರ್ ನ್ಯಾಶನಲ್, ರೂಂ. ನಂ. 310, 3ನೇ ಮಹಡಿ, ಸಿಟಿ ಬಸ್ ಸ್ಟ್ಯಾಂಡ್ ಹತ್ತಿರ, ಉಡುಪಿ.
ಪಂಡಿತ್ ಸಾಯಿನಾಥ್ ಜೋಶಿ : Ph- 98449-44242

LEAVE A REPLY

Please enter your comment!
Please enter your name here