Home ಧಾರ್ಮಿಕ ಸುದ್ದಿ ಪೊಳಲಿ ಶ್ರೀ ರಾಜರಾಜೇಶ್ವರೀ ದೇವಸ್ಥಾನದ ಬ್ರಹ್ಮಕಲಶ, ಬಿಂಬಶುದ್ಧಿ, ಶಾಂತಿ ಹೋಮ, ಹೊರೆಕಾಣಿಕೆ ಸಮರ್ಪಣೆ

ಪೊಳಲಿ ಶ್ರೀ ರಾಜರಾಜೇಶ್ವರೀ ದೇವಸ್ಥಾನದ ಬ್ರಹ್ಮಕಲಶ, ಬಿಂಬಶುದ್ಧಿ, ಶಾಂತಿ ಹೋಮ, ಹೊರೆಕಾಣಿಕೆ ಸಮರ್ಪಣೆ

1038
0
SHARE

ಪೊಳಲಿ: ಇತಿಹಾಸ ಪ್ರಸಿದ್ಧ ಶ್ರೀ ರಾಜರಾಜೇಶ್ವರಿ ದೇವಸ್ಥಾನದಲ್ಲಿ ಮಾ. 5ರಂದು ಹಲವು ವೈದಿಕ ಪೂಜಾ ವಿಧಿವಿಧಾನಗಳು ಜರಗಿದವು. ಬೆಳಗ್ಗೆ 6ರಿಂದ ಪುಣ್ಯಾಹ ನಡೆಸಲಾಯಿತು. ಅಥರ್ವಶೀರ್ಷ ಗಣಯಾಗ, ಶ್ರೀ ದುರ್ಗಾ ಪರಮೇಶ್ವರಿ ಮತ್ತು ಸಹಪರಿವಾರ ರಾಜರಾಜೇಶ್ವರಿ ದೇವರುಗಳಿಗೆ ಬಿಂಬಶುದ್ಧಿ, ಶಾಂತಿ ಹೋಮಗಳು, ಪ್ರಾಯಶ್ಚಿತ ಹೋಮಗಳು, ಹೋಮ ಕಲಶಾಭಿಷೇಕ ನಡೆಸಿ ಮಧ್ಯಾಹ್ನ ಮಹಾಪೂಜೆ ನಡೆಸಲಾಯಿತು.

ಸಂಜೆ 5ರಿಂದ ಅಂಕುರಾರೋಹಣ, ಭದ್ರಕಾಳಿಗೆ ಮಂಡಲಪೂಜೆ, ಮಹಾ ಪೂಜೆ ಹಾಗೂ ಕುಂಡ ಶುದ್ಧಾದಿ ಪ್ರಕ್ರಿಯೆಗಳನ್ನು ನಡೆಸಲಾಯಿತು. ಬೆಳಗ್ಗೆ ಉಮಾನಾಥ್‌ ಸಂಪಿಗೆ ಮತ್ತು ಬಳಗದವರಿಂದ ನಾದಸ್ವರ ವಾದನ ನಡೆಯಿತು. ಶ್ರೀದುರ್ಗಾ ಭಜನ ಮಂಡಳಿ ತೆಂಕುಳಿ ಪಾಡಿ ಅವರಿಂದ ಭಜನೆ, ಶ್ರೀ ಸೀತಾರಾಮ ಭಜನಮಂಡಳಿ ನಾರಳ ತಂಡದವರಿಂದ ಕುಣಿತ ಭಜನೆ, ಮಧು ಸೂದನ್‌ ಭಟ್‌ ಮತ್ತು ಬಳಗ ಗುರುಪುರ ತಂಡದಿಂದ ಭಜನೆ ಜರಗಿತು.

ಶ್ರೀರಾಜರಾಜೇಶ್ವರಿ ವೇದಿಕೆಯಲ್ಲಿ ಬೆಳಗ್ಗೆ ಶೀಲದಿವಾಕರ್‌ ಮಂಗಳೂರು ಅವರಿಂದ ಸುಗಮ ಸಂಗೀತ, ತೋನ್ಸೆಪುಷ್ಕಲ್‌ ಕುಮಾರ್‌ ಅವರಿಂದ ಹರಿಕಥೆ, ಮಧ್ಯಾಹ್ನ ಸ್ವರಾಂಜಲಿ ಕಿನ್ನಿಗೋಳಿ ಯವರಿಂದ ಭಕ್ತಿ ಸಂಗೀತ, ಶೇಷಗಿರಿದಾಸ್‌ ರಾಯಚೂರು ಅವರಿಂದ ದಾಸ ಪದಗಳು, ಸಂಜೆ ಶಾಲಿನಿ ಆತ್ಮಭೂಷಣ್‌ ಅವರಿಂದ ಭರತನಾಟ್ಯ, ರಾತ್ರಿ 7ರಿಂದ 10ರ ವರೆಗೆ ರಮೇಶ್ಚಂದ್ರ ಬೆಂಗಳೂರು ಸಂಯೋಜನೆಯಿಂದ ಸಂಗೀತ ಸಂಭ್ರಮಸಹಿತ ಹಲವು ಸಾಂಸ್ಕೃತಿಕ ಕಾರ್ಯಕ್ರಮಗಳು ಜರಗಿದವು.

ಪುತ್ತಿಗೆ ದೇವಸ್ಥಾನ, ಚೌಟರಸರ ಅರಮನೆ ಯಿಂದ ಹೊರೆಕಾಣಿಕೆ ಶ್ರೀ ಕ್ಷೇತ್ರ ಪೊಳಲಿಗೆ ಪುತ್ತಿಗೆ ಸೋಮನಾಥೇಶ್ವರ ದೇವಸ್ಥಾನ ಹಾಗೂ ಮೂಡ ಬಿದಿರೆಯ ಚೌಟರಸರ ಅರಮನೆ ಯಿಂದ ಹೊರೆಕಾಣಿಕೆ ಆಗ ಮಿಸಿದ್ದು, ದೇವಸ್ಥಾನದ ವತಿಯಿಂದ ಅದ್ದೂರಿಯಾಗಿ ಸ್ವಾಗತಿಸಲಾಯಿತು.

ಪುತ್ತಿಗೆ ಜೋತಿಷಿ, ಪುತ್ತಿಗೆ ಸೋಮನಾಥೇಶ್ವರ ದೇವಸ್ಥಾನದ ಪ್ರಧಾನ ಅರ್ಚಕರು ಮೆರ ವಣಿಗೆಯಲ್ಲಿ ಆಗಮಿಸಿದ್ದು ಅವರನ್ನು ಪೊಳಲಿಯ ಅರ್ಚಕ ವೃಂದದವರು ಸ್ವಾಗತಿಸಿದರು.

ಆಳ್ವಾಸ್‌ನಿಂದ ಸಾಂಸ್ಕೃತಿಕ ಕಾರ್ಯಕ್ರಮ ಶ್ರೀ ರಾಜರಾಜೇಶ್ವರಿ ವೇದಿಕೆ ಹಾಗೂ ಶ್ರೀ ದುರ್ಗಾಪರಮೇಶ್ವರಿ ವೇದಿಕೆಯಲ್ಲಿ ನಾನಾ ಸಾಂಸ್ಕೃತಿಕ ಕಾರ್ಯಕ್ರಮಗಳು
ಜರಗುತ್ತಿದ್ದು ಜನಮನಸೂರೆಗೊಂಡವು. ಮಾ. 4ರ ಸಂಜೆ 7ರಿಂದ ಆಳ್ವಾಸ್‌ ಪ್ರತಿ ಷ್ಠಾನದ 350 ವಿದ್ಯಾರ್ಥಿ ಗಳಿಂದ ಆಳ್ವಾಸ್‌ ಸಾಂಸ್ಕೃತಿಕ ವೈಭವ ವಿಶೇಷ ಆಕರ್ಷಣೆ
ಒದಗಿಸಿದ್ದವು. ದೇಶ-ವಿದೇಶಗಳ ವಿದ್ಯಾರ್ಥಿಗಳು ಭಾಗವಹಿಸಿ ಕಲೆಯನ್ನು ಪ್ರದರ್ಶಿಸಿದರು. ವಿದ್ಯಾರ್ಥಿಗಳು ನಡೆಸಿಕೊಟ್ಟ ಮಲ್ಲ ಕಂಬ ಕಸರತ್ತು ಮೈನವಿರೇಳಿಸಿತ್ತು. ಇದರೊಂದಿಗೆ
ಹಗ್ಗದೊಂದಿಗೆ ನಾನಾ ಕಸರತ್ತುಗಳನ್ನು ನಡೆಸಿಕೊಟ್ಟರು. ಡೋಲು ಕುಣಿತ, ಮಣಿ ಪುರ ಶೈಲಿ-ಪಂಜಾಬಿ ಶೈಲಿಯ ನೃತ್ಯಗಳು ವಿಶೇಷ ಆಕರ್ಷಣೆ ಒದಗಿಸಿದ್ದವು.

ರಾತ್ರಿ 11 ಗಂಟೆಯ ವರೆಗೆ ಆಳ್ವಾಸ್‌ ಸಾಂಸ್ಕೃತಿಕ ವೈಭವ ಜರಗಿದವು. ಇದರ ಜತೆಗೆ ನಾನಾ ತಂಡಗಳಿಂದ
ಚೆಂಡೆವಾದನವೂ ನಡೆಯಿತು.

LEAVE A REPLY

Please enter your comment!
Please enter your name here