Home ಧಾರ್ಮಿಕ ಸುದ್ದಿ ಚಿನ್ನದ ಹಾಳೆ ಜೋಡಣೆಗೆ ಮುಹೂರ್ತ

ಚಿನ್ನದ ಹಾಳೆ ಜೋಡಣೆಗೆ ಮುಹೂರ್ತ

ಶ್ರೀಕೃಷ್ಣಮಠದ ಸುವರ್ಣಗೋಪುರ

475
0
SHARE

ಉಡುಪಿ: ಶ್ರೀಕೃಷ್ಣ ಮಠದ ಗರ್ಭಗುಡಿಯ ಗೋಪುರದ ಮೇಲ್ಛಾವಣಿಗೆ ಸ್ವರ್ಣದ ಹೊದಿಕೆ ಹೊದೆಸುವ ಕೆಲಸಕ್ಕೆ ಮುಹೂರ್ತ ಮಾಡಲಾಗಿದ್ದು ನಿತ್ಯ 400 ಹಾಳೆಗಳನ್ನು ಜೋಡಿಸಲು ನಿರ್ಧರಿಸಲಾಗಿದೆ. ಒಟ್ಟು 4,000 ಹಾಳೆಗಳನ್ನು ತಯಾರಿಸಲಾಗಿದೆ.

ಮೊದಲು ಸೋಮವಾರದಿಂದ ಸ್ವರ್ಣದ ಶೀಟುಗಳನ್ನು ಹೊದೆಸಲು ನಿರ್ಧರಿಸಿದ್ದರೂ ಈಗ ಗರ್ಭಗುಡಿಯ ಕೆಳಭಾಗದ ಕೆಲಸವನ್ನು ಮುಗಿಸಿ ಎರಡನ್ನೂ ಜತೆಜತೆಯಾಗಿ ಮಾಡಲು ನಿರ್ಧರಿಸಲಾಗಿದೆ. ಆದ್ದರಿಂದ ಗರ್ಭಗುಡಿಯ ಕೆಳಭಾಗದ ಮರದ ಪರಿಕರಗಳನ್ನು ಶನಿವಾರ ರಾತ್ರಿಯಿಡೀ ಸುಮಾರು 10 ಜನರು ತೆಗೆದು ಕೆಲಸ ಮಾಡಿದರು.

ರಾಮಟಂಕೆ
100 ಕೆ.ಜಿ. ಚಿನ್ನ, 900 ಕೆ.ಜಿ. ಬೆಳ್ಳಿ, 300 ಕೆ.ಜಿ. ತಾಮ್ರದ ಫ‌ಲಕಗಳಿಂದ ಗೋಪುರವನ್ನು ಸಮರ್ಪಿಸಲಾಗುತ್ತಿದೆ. ಸುಮಾರು 700 ಸಿಎಫ್ಟಿ ಸಾಗುವಾನಿ ಮರವನ್ನು ಬಳಸಲಾಗುತ್ತಿದೆ. ಗರ್ಭಗುಡಿಯ ಮೇಲ್ಛಾವಣಿಯಲ್ಲಿ ಒಟ್ಟು 1,500 ಕೆ.ಜಿ. ತಾಮ್ರವಿದ್ದು ಜೀರ್ಣವಾದ ಈ ತಾಮ್ರದ ತಗಡಿನಿಂದ ರಾಮ ಟಂಕೆ ತಯಾರಿಸಿ ಸುವರ್ಣ ಗೋಪುರ ನಿರ್ಮಾಣಕ್ಕೆ ಸಹಾಯಧನ ಮಾಡಿರುವ ಭಕ್ತರಿಗೆ ಪ್ರಸಾದ ರೂಪದಲ್ಲಿ ನೀಡಲಾಗುವುದು. ಟಂಕೆಯಲ್ಲಿ ಒಂದು ಭಾಗದಲ್ಲಿ ಶ್ರೀ ಕೃಷ್ಣ ಹಾಗೂ ಇನ್ನೊಂದು ಬದಿಯಲ್ಲಿ ಶ್ರೀರಾಮನ ವಿಗ್ರಹ ಇರಲಿದೆ.

ಮೇ 31-ಜೂ. 10: ವಿವಿಧ ಕಾರ್ಯಕ್ರಮಗಳು
ಗೋಪುರ ಸಮರ್ಪಣೆ, ಬ್ರಹ್ಮಕಲಶೋತ್ಸವದ ಅಂಗವಾಗಿ ವಿವಿಧ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮಗಳು ಮೇ 31ರಿಂದ ಜೂ. 10ರವರೆಗೆ ನಡೆಯಲಿದೆ. ಜೂ. 1ರಂದು ಗರ್ಭಗುಡಿಯ ಸುವರ್ಣ ಲೇಪಿತ ಮೂರು ಕಲಶಗಳನ್ನು ಜೋಡುಕಟ್ಟೆಯಿಂದ ಮೆರವಣಿಗೆ ಮೂಲಕ ತರಲಾಗುತ್ತದೆ. ಜೂ. 6ರಂದು ಸುವರ್ಣಗೋಪುರದ ಪ್ರತಿಷ್ಠಾಪನೆ ನಡೆಯಲಿದ್ದು, ಜೂ. 9ರಂದು ಬ್ರಹ್ಮ ಕಲಶೋತ್ಸವ ನಡೆಯಲಿದೆ.

70 ಕೆ.ಜಿ. ಚಿನ್ನ ಸಂಗ್ರಹ
ಸುಮಾರು 70 ಕೆ.ಜಿ. ಚಿನ್ನ ಈಗಾಗಲೇ ಬಂದಿದ್ದು, ಅಕ್ಷಯ ತದಿಗೆಯಂದು ಭಕ್ತರಿಗೆ ವಿಶೇಷ ಅವಕಾಶ ಕೊಡಲಾಗಿದೆ. ಈ ಅವಧಿಯಲ್ಲಿ ಮತ್ತಷ್ಟು ಚಿನ್ನ ಸೇರುವ ಸಾಧ್ಯತೆ ಇದೆ.

ಓಂ ಶ್ರೀ ಸಾಯಿ ಜ್ಯೋತಿಷ್ಯಾಲಯ
South Canara’s Famous Asrologer
Family issue, ಮದುವೆಯಲ್ಲಿ ವಿಘ್ನ, ಸತಿ-ಪತಿ ಕಲಹ, Court Case, ವಶೀಕರಣ, Love problems, ಸದಾ ಕುಟುಂಬದಲ್ಲಿ ಕಲಹ, Money problem, ಕೆಲಸದಲ್ಲಿ ಕಿರಿಕಿರಿ, ಮಕ್ಕಳ ಸಮಸ್ಯೆ, ವ್ಯಾಪಾರದಲ್ಲಿ ಅಡೆ-ತಡೆ, Loan Issue, ನಿಮ್ಮ ಯಾವುದೇ ಸಮಸ್ಯೆಗೆ 3 ದಿನಗಳಲ್ಲಿ ಶಾಶ್ವತ ಪರಿಹಾರ.
ಹೊಟೇಲ್ ದುರ್ಗಾ ಇಂಟರ್ ನ್ಯಾಶನಲ್, ರೂಂ. ನಂ. 310, 3ನೇ ಮಹಡಿ, ಸಿಟಿ ಬಸ್ ಸ್ಟ್ಯಾಂಡ್ ಹತ್ತಿರ, ಉಡುಪಿ.
ಪಂಡಿತ್ ಸಾಯಿನಾಥ್ ಜೋಶಿ : Ph- 98449-44242

LEAVE A REPLY

Please enter your comment!
Please enter your name here